教育王國

標題: 自行收生與操行 [打印本頁]

作者: ryanmother    時間: 07-11-27 15:56     標題: 自行收生與操行

各位可唔可幫忙呀!  我依家為仔仔選校而忙碌地收集資料, 由於冇任何經驗, 所以都好頭痛怕選錯校, 以下有此問題想向各位有經驗人士請教:
1. 囝囝小學分精英班, 學校話keep住名次在精英班內, 基本已是band one生, 我囝囝係keep住係精英班中中地成績啦, 但操行在五年級時就較差, 四次考試中, 3次操行竟然得B-, 1次仲係c+, 而全總操行係 B-, 您地話啦, 係咪就算BAND 成績我們都唔可以在自行收生時有面試機會呀。
其實我就唔明佢間小學, 鬼死咁嚴, 囝囝冇試過見家長, 老師又冇打電話投訴過我, 手冊又冇唔好嘅評語, 真唔明操行點解咁差, 真係想累死個小朋友咩?

如果真係冇希望, 咁我應該點呀, 係咪要找尋直資英中比佢讀呀, 因為由細到大, 佢英文係比中文好, 所以佢都好想讀英中, 但佢操行咁樣, 我相信冇英中係會係自行收生見佢, 到時佢實好UPSET 了, 我希望了解多啲, 同幫佢多啲啦!  大家教吓我好嗎?  唔該哂!
作者: 加菲貓    時間: 07-11-27 16:56

坦白講, 好多英中講明操行冇B都唔好去投考,  唯有揀間唔計操行架學校, 加埋校長推薦信, 會好D.

你囝囝個老師真係嚴D, 5年級操行分好重要, 如果冇大錯, 成績又唔差, 起碼比B,  你有冇問過老師點解咁比.
作者: ryanmother    時間: 07-11-27 17:45

原文章由 加菲貓 於 07-11-27 16:56 硐表
坦白講, 好多英中講明操行冇B都唔好去投考,  唯有揀間唔計操行架學校, 加埋校長推薦信, 會好D.

你囝囝個老師真係嚴D, 5年級操行分好重要, 如果冇大錯, 成績又唔差, 起碼比B,  你有冇問過老師點解咁比. ...

我取成績表時, 都有問老師, 但佢話係睇平時比架, 都冇多解釋, 但我知囝囝間學校都好嚴, 只喜歡靜及好成績的女孩子, 男孩子就會不大喜歡, 因好動比較多麻煩又多口, 在我囝囝五年級時, 我問過有一個六年班嘅家長, 佢囝囝好叻架, 年年全級第一, 又幫學校參加好多公開賽獲獎無數, 仲有獎學金, 但佢媽咪同我講好後侮無同亞仔轉校, 因為老師由5年級至六年級操行都係比佢個仔 C+, 佢媽咪都話好激氣, 間學校都唔知係咪想累死啲小朋友, 亞仔幫學校拿了無數獎, 但最後只有如此下場.........

今次我囝囝六年級呈分試已考, 我想問如果操行有B或以上, 咁有冇幫助呀?  佢對卷時已將分數告知我, 今次佢考得都可以啦, 全部係B同A, 所以我想知, 如果操行今次好, 學校係咪唔理, 一定要計五年級同六年級架? 有冇家長知呢?
作者: judywan    時間: 07-11-27 18:07

睇到你的境況,我都好唔開心。知道好多英中操行最底要求都要B+。但千其不要放棄,多D資料,問多幾間,希望會有D學校冇咁睇操行分啦。祝好運。。。
作者: ryanmother    時間: 07-11-27 18:16

原文章由 judywan 於 07-11-27 18:07 硐表
睇到你的境況,我都好唔開心。知道好多英中操行最底要求都要B+。但千其不要放棄,多D資料,問多幾間,希望會有D學校冇咁睇操行分啦。祝好運。。。 ...

好多謝妳, 我就係想幫佢, 所以依家要多啲資料, 希望有人可以幫到我啦!   謝謝!:cry:
作者: judywan    時間: 07-11-27 18:30

原文章由 ryanmother 於 07-11-27 18:16 硐表

好多謝妳, 我就係想幫佢, 所以依家要多啲資料, 希望有人可以幫到我啦!   謝謝!:cry:


以我所知,好多學校自選皆段,都要比5,6年級成績。

但係大抽獎就唔會睇操行,最緊要KEEP 到 BAND ONE,有運就OK喇。。。。
作者: khmama    時間: 07-11-27 20:50

你囝囝間小學係咪有直屬中學架?有時呢o的小學會專登比到o的操行好差,等你邊度都唔駃去,乖乖直升.
作者: ryanmother    時間: 07-11-28 10:33

原文章由 khmama 於 07-11-27 20:50 發表
你囝囝間小學係咪有直屬中學架?有時呢o的小學會專登比到o的操行好差,等你邊度都唔駃去,乖乖直升.


冇架, 囝囝間小學係冇直屬中學, 所以一定要對外嘅, 咁依家我囝囝情況係咪話冇機會係自行收生時有英中會見架?

我點唔知點算, 唔知用什麼方法可以幫佢呢?  有冇多啲人可以比啲寶貴意見呀?  唔該各位
作者: chuiiris    時間: 07-11-28 17:24

自行報校, band one school 一般操行基本要求 B 或 B+ 以上, 如有 C , 都不會約見 , 有些更不會派表, 大抽奖的機會高些, 因不看操行的.

但我很奇怪點解 school 會咁樣比操行分 ( 學生特別頑皮除外 )
因咁既操行分, 很客易給人印象不好.
作者: chuiiris    時間: 07-11-28 17:30

如果是我, 當個仔第二次取 B-, 而老師又無特別解釋, 我會見校長問可否改操行分, 因為咁既操行, 個小朋友會無運行.

但你過了 1 年都係咁既操行, 而你又接受, 現在都幾難爭取了.
作者: dad1234    時間: 07-11-28 17:34

當年我女個老師都講過,操行分係各科老師一齊比分,再取一個中間數及經各科老師同意
唔係班主任一個話事,所以真係好難改
作者: ryanmother    時間: 07-11-28 18:13

原文章由 chuiiris 於 07-11-28 17:30 發表
如果是我, 當個仔第二次取 B-, 而老師又無特別解釋, 我會見校長問可否改操行分, 因為咁既操行, 個小朋友會無運行.

但你過了 1 年都係咁既操行, 而你又接受, 現在都幾難爭取了. ...


其實都係我無知, 又冇經驗, 我以為只要有好成績就可以考理想嘅中學, 所以我根本冇重視操行這問題, 所以冇爭取過, 現在先開始同囝囝收集資料, 先知原來操行咁重要, 而家好後侮冇同學校傾過, 因為本身佢學校一年只見一次家長, 我又要上班, 自己其實好少接觸學校, 死啦, 可能我唔去了解及爭取, 現在亞仔有 band one 成績都冇用, 咁咪我累了亞仔, 點算呀而家,  有冇嘢我可以做架, 我點幫佢呀?
作者: chuiiris    時間: 07-11-29 14:37

試下見老師, 同佢傾下係你的煩惱和擔心的問題, 叫老師比解決方法, 如老師未能提供方法, 再去見校長.

除非是問題學生, 否則一般學校都不會見死不救的.
何妨你個仔成積又掂, 學校應該有計傾的.

點都好過坐係到, セ都吾做啦.
作者: sally.cc    時間: 07-11-29 14:47

提示: 作者被禁止或刪除 內容自動屏蔽
作者: ryanmother    時間: 07-11-29 16:53

原文章由 sally.cc 於 07-11-29 14:47 發表


操行B-?大多受歡迎band1學校收生起馬都係操行要B以上架!:-|

今日亞仔派了成績表, 成績冇問題, 一定係 band one 內, 但今次操行係 B, 咁係咪都冇用架?

如果冇英中在自行收生見, 咁即係只可等大抽獎, 因仔仔的程度是可以在接受英中的, 所以我都希望佢可以入英中, 但如果大抽獎派得唔好, 我想到宜資英中叩門, 請問在沙田或其他新界區, 那些英中直資好呢?  本人住葵青, 所以唔想太遠, 太遠小朋友返學會比較浪費時間, 或者深水涉那邊都可以, 請各位多多指教, 謝謝!
作者: ryanmother    時間: 07-11-29 16:57

原文章由 chuiiris 於 07-11-29 14:37 發表
試下見老師, 同佢傾下係你的煩惱和擔心的問題, 叫老師比解決方法, 如老師未能提供方法, 再去見校長.

除非是問題學生, 否則一般學校都不會見死不救的.
何妨你個仔成積又掂, 學校應該有計傾的.

點都好過坐係到, セ都 ...

好多謝您關心及意見呀, 我相您嘅提意, 待我試試同佢班主任傾吓先, 等佢教吓我可以點幫囝囝啦!  我而家都好煩, 好亂, 當然都好唔開心:cry:
作者: chuiiris    時間: 07-11-29 18:12

操行 B 只是最普通, 最低要求, 其實你都可以照報直資, 看下有冇機會,

我住深井, 最近的直資也要找沙田區, (就算人地肯收), 都煩緊交通安排
作者: sally.cc    時間: 07-11-29 18:24

提示: 作者被禁止或刪除 內容自動屏蔽
作者: khmama    時間: 07-11-29 23:43

原文章由 ryanmother 於 07-11-29 16:57 發表

好多謝您關心及意見呀, 我相您嘅提意, 待我試試同佢班主任傾吓先, 等佢教吓我可以點幫囝囝啦!  我而家都好煩, 好亂, 當然都好唔開心:cry:


你又唔駛咁担心,你不如問下其他同學家長,睇下一般佢地既操行有冇人A,如果冇,呢個就唔係你一個人既問題,應該同學校溝通下.同埋睇下過往既派位結果.
作者: ryanmother    時間: 07-11-30 10:51

原文章由 sally.cc 於 07-11-29 18:24 發表



恭喜ryanmother先!如子女係band1生操行有B我建議你都係揾番同區英中好d!因同區英中比較了解同區小學成績,如想加强報考英中印像分,我建議你要從子女小一學開始成績紀錄至小六上學期,每年級盡量表達學業和課外總之寫最好的 ...

好多謝您鼓勵, 其實亞仔已經做得好好, 可能佢係細仔, 即12月出生, 加上係男仔比較遲熟, 所以同人溝通會比較自我, 現在六年級了, 比較定性, 班主任經常也讚佢, 佢默書, 功課, 做project, 也有很多印仔及讚賞評語, 學校運動日又被選做社代表參加各項比賽, 又得到金牌, 雖然操行比之前好, 但都係得B, 實在太嚴謹, 不知是否有老師 label 了小朋友, 印象不好, 所以得分咁低, 我都有問過其他學生, 同班除了女孩子及為學校服務嘅學生, 一般都係B或以下, 我都唔明 , 好似都唔想幫小朋友咁, 囝囝除了無幫做服務員外, 其他都好冇問題, 又從來冇遲到請假, 手冊冇投訴評語, 又被選代表社參加校內各頂比賽, 要做代表一定要被老師選的, 如問答比賽, 便要成績好, 運動比賽便要運動好, 所以佢應該係比一般好少少至應該, 但最終只有B, 我都有少少失望.

我現會看看區內的英中有冇機會先, 如冇, 就等大抽獎, 如大抽獎派得唔好, 我會試吓直資英中了, 所以現在希望大家比啲意見, 那些直資英中比較活學及比較好的呢?  我想現在取多啲資料, 希望能幫亞仔渡過難關, 唔該各位先。

[ 本文章最後由 ryanmother 於 07-11-30 13:01 編輯 ]
作者: ryanmother    時間: 07-11-30 11:04

原文章由 chuiiris 於 07-11-29 18:12 發表
操行 B 只是最普通, 最低要求, 其實你都可以照報直資, 看下有冇機會,

我住深井, 最近的直資也要找沙田區, (就算人地肯收), 都煩緊交通安排

我都明操行B係最基本, 所以現在取多啲資料, 希望幫囝囝。您都找沙田直資, 咁可唔可以分享吓邊間好呀?  我對沙田啲直資不熟, 所以唔知邊好, 另東涌"港清基信" 知唔知好唔好呀?  比啲意見好嗎?  唔該哂!
作者: MISSICE128    時間: 07-11-30 11:42

有個同事仔做風紀, 操行 a  
作者: Goody    時間: 07-11-30 12:08

你唔好咁心急找直資先啦。據我所知好多直資(唔係一線果D)放榜後都會收生,到時真係派得唔好先考啦。 不過你事前都要做功課,target 邊幾間, 攞晒料sin。 我覺得你果區都好多英中, 就算攪珠都應該有機會架。

原文章由 ryanmother 於 07-11-30 11:04 發表

我都明操行B係最基本, 所以現在取多啲資料, 希望幫囝囝。您都找沙田直資, 咁可唔可以分享吓邊間好呀?  我對沙田啲直資不熟, 所以唔知邊好, 另東涌"港清基信" 知唔知好唔好呀?  比啲意見好嗎?  唔該哂! ...

作者: ryanmother    時間: 07-11-30 12:57

原文章由 Goody 於 07-11-30 12:08 發表
你唔好咁心急找直資先啦。據我所知好多直資(唔係一線果D)放榜後都會收生,到時真係派得唔好先考啦。 不過你事前都要做功課,target 邊幾間, 攞晒料sin。 我覺得你果區都好多英中, 就算攪珠都應該有機會架。

...

我真係好擔心, 因之前我就係未收集資料, 所以唔知操行咁重要, 而家可以做嘅, 就係取多啲資料, 因而家還有時間, 咁我可以去啲學校親身睇吓, 同留意佢地啲升中簡介呀!   

聽完您們咁多位寶貴意見, 我都會先試大抽獎先, 如果結果唔好, 我先會試直資英中架, 但我想先看看好的直資學校環境及收生要求等資料, 待日後有目標去叩門呀!   如果現在還不收集更多資料, 恐怕日後會不知所措, 各位可否提供更多意見或資料供我參考呢?

[ 本文章最後由 ryanmother 於 07-11-30 13:04 編輯 ]
作者: sally.cc    時間: 07-11-30 13:42

提示: 作者被禁止或刪除 內容自動屏蔽
作者: ryanmother    時間: 07-11-30 14:16

原文章由 sally.cc 於 07-11-30 13:42 發表


今年我好很定咁同你講!大多直資收生非常理想,因近年真係好多家長以經接受咗直資辦學理念,又或者是經濟好咗好多關係!呢個係事實,但ryanmother家長又唔洗咁擔心住,因你小朋友係屬於band 1學生,放榜後叩們都有一d優勢,今年應該 ...

我會係12月份內做好囝囝份履歷表先, 之後就睇睇心儀嘅學校有冇機會, 如果冇, 果份履歷表都可以留反叩門用如果萬一派位唔好, 所以聽完各位的指示, 我學了很多嘢, 真係多謝哂!

如果有直資嘅資料, 可唔可以介紹比我呀?  Thank you!
作者: sally.cc    時間: 07-11-30 18:29

提示: 作者被禁止或刪除 內容自動屏蔽
作者: sally.cc    時間: 07-11-30 18:36

提示: 作者被禁止或刪除 內容自動屏蔽
作者: chuiiris    時間: 07-11-30 22:08

其實板主都吾駛咁擔心, 起碼你知道已穩屬 BAND ONE
博左大抽奖先.

我小兒現屬  BAND TWO 頭, 仲谷緊佢標上去,
老師說要全級頭 30 名內才穩守 BAND ONE, 個班學生差不多科科 98-100分, ( 呢班人都吾知用什麽構造 ) 全級 190人

我個仔最差個科 85 分, 英文最好才 97 分, (都吾知點谷)

雖然綱琴已考 7 級 取 DISTINCTION, 在校內是伴凑.
藍球, 足球, 普通話, 全部校隊, 法文非常好, 各位老師都喜欢他, 但都只是 BAND TWO 咋, 我都吾敢博大抽獎, 找直資.

自問我同 C6 讀書都冇小兒咁叻, 但又點呀!, 標簽是 BAND TWO 生.
作者: Goody    時間: 07-11-30 22:36

全級190人照計60名內都係band 1。你間什麼學校d學生咁犀利架!  我覺得以你仔的條件應該好多學校都會收喎!  你有冇參考你校今年的派位結果? 可能band 1 不只30 名呢!

原文章由 chuiiris 於 07-11-30 22:08 發表
其實板主都吾駛咁擔心, 起碼你知道已穩屬 BAND ONE
博左大抽奖先.

我小兒現屬  BAND TWO 頭, 仲谷緊佢標上去,
老師說要全級頭 30 名內才穩守 BAND ONE, 個班學生差不多科科 98-100分, ( 呢班人都吾知用什麽構造 )  ...

作者: ryanmother    時間: 07-12-1 00:04

原文章由 chuiiris 於 07-11-30 22:08 發表
其實板主都吾駛咁擔心, 起碼你知道已穩屬 BAND ONE
博左大抽奖先.

我小兒現屬  BAND TWO 頭, 仲谷緊佢標上去,
老師說要全級頭 30 名內才穩守 BAND ONE, 個班學生差不多科科 98-100分, ( 呢班人都吾知用什麽構造 )  ...

您真係要 check吓囝囝小學上年及以往派位程況, 我囝囝學校每年都有 around 55-58% 係可以派去band one學校, 所以要睇您囝囝學校嘅程度, 以您囝囝嘅分數, 算ok架, 除非佢學校程度低, 所以在調整機制會將學校程度調低,所以您都係問清楚, 同check 吓以往派位記錄先, 唔好傷心住, 可能唔係咁呢, check 完講反比我地聽, 一齊研究吓啦!
作者: Hi-Fi    時間: 07-12-2 01:00

原文章由 ryanmother 於 07-11-30 14:16 發表

我會係12月份內做好囝囝份履歷表先, 之後就睇睇心儀嘅學校有冇機會, 如果冇, 果份履歷表都可以留反叩門用如果萬一派位唔好, 所以聽完各位的指示, 我學了很多嘢, 真係多謝哂!

如果有直資嘅資料, 可唔可以介紹比我呀 ...

其實你可以試吓問班主任,
可否要求校長寫推薦信。
作者: yanyan-mummy    時間: 07-12-2 17:08

其實我都想問下如果band 1生但操行差(C),咁第一輪自行收生是否一定無望?
因為姐姐的兒子今年小六,平日很乖,p.5操行(A),但p.6做錯事,操行只得(C),雖然他是band 1生,但自行是否無望?如面試又應否坦白承認過失?另他在元朗區,英中較少,應該怎辦?希望各位幫忙,因看見她極度困擾,謝謝!

作者: judywan    時間: 07-12-2 17:24

原文章由 yanyan-mummy 於 07-12-2 17:08 發表
其實我都想問下如果band 1生但操行差(C),咁第一輪自行收生是否一定無望?
因為姐姐的兒子今年小六,平日很乖,p.5操行(A),但p.6做錯事,操行只得(C),雖然他是band 1生,但自行是否無望?如面試又應否坦白承認過失?另他在元 ...


操行得C,自行收生皆段報英中機會就似乎微D喇。。。
作者: yanyan-mummy    時間: 07-12-2 23:13

原文章由 judywan 於 07-12-2 17:24 發表


操行得C,自行收生皆段報英中機會就似乎微D喇。。。


如p.5,p.6,4張成績表只得一張C,會否好一點?
作者: judywan    時間: 07-12-2 23:40

原文章由 yanyan-mummy 於 07-12-2 23:13 發表


如p.5,p.6,4張成績表只得一張C,會否好一點?


”會否好一點?”真係好難答你,但你可以諗下,有約三成多
BAND 1 學生,大部份都希望入英中,而英中學位根本就唔夠分,學校有大量學生選擇之下,佢地會點揀丫。聽過一個BAND 1英中校長講過,佢地都好擔心收唔夠高水準既學生而跌BAND,所以佢地自行收生階段,一定會精雕細選,暮求第一階段所收學生盡是精英。但都唔使太灰,見過有BAND 2 生大抽獎入到
BAND 1 英中(其實連學校都話唔知點解),盡力而為啦。。。。。。
作者: yanyan-mummy    時間: 07-12-2 23:58

原文章由 judywan 於 07-12-2 23:40 發表


”會否好一點?”真係好難答你,但你可以諗下,有約三成多
BAND 1 學生,大部份都希望入英中,而英中學位根本就唔夠分,學校有大量學生選擇之下,佢地會點揀丫。聽過一個BAND 1英中校長講過,佢地都好擔心收唔夠高水準既學生而跌B ...

多謝安慰,有時姐姐會自我安慰咁諗,就算操行A,band 1都未必收  
la!希望大抽獎會好D,寫得踏實D,吾好太進取,博返間英中返黎la!
作者: judywan    時間: 07-12-3 00:05

原文章由 yanyan-mummy 於 07-12-2 23:58 發表

多謝安慰,有時姐姐會自我安慰咁諗,就算操行A,band 1都未必收  
la!希望大抽獎會好D,寫得踏實D,吾好太進取,博返間英中返黎la!


都係果句,盡力而為啦,我妹妹小朋友今年升中,佢操行都係得
B-,佢策略就係KEEP住小朋友BAND 1 ,等大抽獎。。。。。。。
作者: ryanmother    時間: 07-12-4 10:32

亞仔學校有升中講座了, 到時等我睇吓會唔會見到佢班主任, 等我同佢傾傾先, 因為我都有去聽中學嘅簡介會, 係現時自行收生, 好似真係幾難架, 因為要在幾佰人中選出, 係要幾佰人中最top 60 位內, 真係對小朋友來講極大挑戰,等我再取多些資料才作打算了




歡迎光臨 教育王國 (/) Powered by Discuz! X1.5